ԴԻՊԼՈՄՆԵՐԻ ՀԱՆՁՆՈՒՄ ՀԱՅԱՍՏԱՆԻ ԱՎՏՈՄՈԲԻԼԱՅԻՆ ՖԵԴԵՐԱՑԻԱՅՈՒՄ
Օգոստոսի 22-ին Հայաստանի ավտոմոբիլային ֆեդերացիայում տեղի ունեցավ դիպլոմների հանձնման արարողություն։ Պարգևատրվում էին «Ճանապարահային անվտանգության կրթական մրցույթի» (Road Traffic Education Contest) ազգային փուլի հաղթողներն ու մասնակցիները։ Մրցույթը անց է կացվել 10-ից 12 տարեկան աղջիկների և տղաների համար՝ առանձին հաշվարկով։ Այսպես, ազգային փուլի հաղթող ճանաչվեցին Արմինե Երիցյանը և Բաբկեն Սուքիասյանը։
Հաղթողները, ինչպես նաև ևս երկու մասնակից՝ մեկական աղջիկ և տղա, առաջին անգամ կներկայացնեն Հայաստանը Եվրոպայի նմանատիպ մրցաշարում, որը կկայանա սեպտեմբերի վերջին օրերին Սերբիայի մայրաքաղաք Բելգրադում
Արդեն շուրջ չորս տասնամյակ է, ինչ Միջազգային ավտոմոբիլային ֆեդերացիան կազմակերպում է European Traffic Education Contest մրցույթը, որի նպատակն է խաղային և մրցութային պայմաններում երեխաների մեջ սերմանել անվտանգ ճանապարհային երթևեկության կանոնները և ի դեմս մասնակիցների ունենալ անվտանգ երթևեկության դեսպանների յուրաքանչյուր երկրում։
Նախորդ տարի մրցույթը կայացել էր Փարիզում, իսկ առաջին եռյակում տեղ էին զբաղեցրել Լատվիայի, Սերբիայի և Չեխայի երեխաները։
